التسعير
كيف نحسب سعر الطباعة — بلا تخمين
ما نعطيك رقماً من الهوا. كل عرض سعر يجيك مع بطاقة مواصفات تشرح من وين جا الرقم — الوزن بالجرام وزمن الطباعة والخامة — وهذا اللي يفرقنا عن «تواصل للسعر».
ليش الطباعة الملونة أغلى؟
نظام AMS يبدّل الفيلمنت عند كل تغيير لون، وكل تبديل يهدر كمية خامة تُقصّ وتُرمى. هذا الهدر جزء حقيقي من التكلفة — نحسبه ونوريك إياه في بطاقة المواصفات بدل ما نخفيه في رقم مضخّم.
الكميات تنزّل سعر القطعة
تكلفة الإعداد ثابتة سواء طبعت قطعة أو خمسين — فكل ما زاد العدد، توزّعت على قطع أكثر ونزل سعر القطعة الواحدة. إذا تخطط لكمية، اذكر العدد من البداية لتاخذ السعر الأدق.
التصميم يُسعّر منفصلاً
إذا ما عندك ملف، تكلفة التصميم تُقدّر حسب تعقيد القطعة وتُعرض عليك قبل البدء — منفصلة عن الطباعة حتى تعرف بالضبط وش تدفع مقابل وش.
فواتير نظامية للجهات
نصدر فواتير نظامية للشركات والجامعات والمكاتب الهندسية. عمق مسجّلة كممارس حر لدى وزارة الموارد البشرية برمز التوثيق FL-664583738.
احسب سعرك الآن
ارفع ملفك في حاسبة التسعير وخذ الوزن والزمن والسعر فوراً — أو أرسله واتساب ونرجع لك ببطاقة المواصفات.
OMQ 3D — RIYADH · FL-664583738